| LoVe's profileMy spacePhotosBlogLists |  Tools  Help |
|
My spaceاسبيسي و أنا حره فيه September 10 استغمايههااااااااااااااي قبل شهرين قريت قصة في رسائل ووسائط في مبايل اختي و قلت لازم انقلها و كل ما بغيت اكتبها ما احصل المبايل .. و الموبايل يكون أما عن اخوي و لا عند ابوي ولا.......و لا........ . أنا و الموبايل صايرين توم آند جيري .. قلت لنفسي شكل هذي القصه مو من نصيبي . و قبل يومين شفت الموبايل عند اخوي الصغير ما اعرف كيف و صل عنده المهم خذيت عنه الموبايل و قلت ما اعطيك الموبايل لين ما اكتب القصه اعرف انكم مليتوا من الكلام الزايد و خاطركم اتروشوا الاسبيس على وجهي >>> يلا شوقتينا نبي نعرف شو القصه
أستغمايه في قديم الزمان .. حيث لم يكن على الارض بشر بعد و كانت الفضائل و الرذائل تطوف العالم معاً .. و تشعر بالملل الشديد ...ذات يوم ، و كحل لمشكلة الملل المستعصيه اقترح الابداع احب الجميع الفكره..و صرخ الجنون ..انا من سيغمض عينيه و يبدأ العد .. و أنتم عليكم مباشرة الاختفاء ثم اتكأ بمرفقيه على الشجره ....واحد ... اثنين... ثلاثه و بدأت الفضائل و الرذائل بالاختباء وجدت الرقه و أخفت الخيانه و ذهب الولع و مضى الشوق الكذب و استمر الجنون:- تسعه و سبعون .. ثمانون..واحد و ثمانون.....الخ خلال ذلك اتمت كل من الفضائل و الرذائل تخفيها.. ما عدا كعادته .. لم يكن صاحب قرار .. و بالتالي لم يقرر اين يختفي ... و هذا غير مفاجئ لأحد ... فنحن نعلم كم هو صعب اخفاء الحب انتهى شو رايكم بالقصه
September 03 عدناهاااااااااااااااااااااااااااااااااااي
صار لي شهرين و اسبوعين و ساعتين و دقيقتين
 ما داخله الصفحه و لا كاتبه بلوقسوري لاني كنت مسافره
بصراحه لولا الجامعه و حنت ورنت ابوي ما كنت رديت البلاد
الحياة مناك شي ثاني و عالم ثاني و اهل ماكوا اروع منهم
اقول ذليتينا يلا قولي لنا وين رحتي الى اي دوله سافرتي<<<
الواحد ما يشوقكم اشوي
سافرت الى سريلانكا
لان امي من هناك و الاهل هناك
اول مره رحت فيها سريلانكا كان عمري 10 سنوات و كان خاطري و حلمي اني اروح مره ثانيه و اشوف اهلي وخوالي و خالاتي و عيالهم و شو اتغير فيهم و شو اشكالهم و اتحقق الحلم وسافرت
بصراحه بعد هذي السفره اكتشفت ان عندي اروع عائله في العالم
عائله عجيبه و اتعرفت عل عيال خالاتي
القعده معاهم ما تنمل ضحك و مقالب و مشاكسات
وااااااااااااااااااااااااااااااااااااااااااااااااااااااااااااااااااااااااااااااااااااااايد استانست
و الود ودي ما ارجع
لو عبرت الصفحه كلها ما تكفيني
فراح اخلي الصور اتعبر و تحكي لكم عن الرحله و الاهل
June 14 باركولي نجحتهااااااااااي شو الاخبار .. طولت الغيبه صح ... اسمحولي ما احب افتح النت في البيت وايد الان النت بطيئ عندنا للاسف باركولي نجحت في كل مساقاتي ... صحيح اني نجحت بس لا تعتقدوا اني محصله امتياز انا الشي الوحيد اللي استغربت اول ماقمت من ارقادي و أخيرا بدأت الاجازه و افتكيت من من عوار الراس و الكتب و الدراسه و عقبالكم اتمنى التوفيق للكل و لاتنسوا اتعلقون ... تعليقاتكم هي هدفنا
June 06 رساله الى عائلة خائلهااااااااااااااااااااااااااااااااااااااااي شو الاخبار يا عيال و شو اخبار الاجازه اكيد ممله من دوننا تعرفوا شو سوينا علشان نتذكركم مو علشان نتذكركم انتوا اصلاً دوم ويانا في القلب تعبت من كثر ما اناديكم و انتوا ما تردون علي يلا قوموا تراكم وحشتونا من دومكم و صرنا نتكلم معاكم قصدي مع الاوراق مثل الميانين الا اذا بغينا شي من الغرفه و صرنا انام في الصاله سؤال انتوا تتذكرونا ولا نايمين في عسل الاجازه المدام اتسلم عيكم و شكلكم نسيتوا اتسلمون عليها قبل ما اتروحون كالبنيان رومانتك ماما عواش فله نور الدنيا شدوي فطوم شيوم الحب عذاب والله لكم وحشه المشتاقين لكم, loveless العم ايمن صدى الذكريات بنت العم عبود June 04 افترقنانحن 13 طالبه من مناطق مختلفه من نفس الاعمار و الافكار لاننا من جيل واحد نعيش في جناح واحد جمعنا القدر و صرنا عائله ..... نتقاسم كل شي الفرح الحزن الغضب الزعل الضحكه الهم الشوق .... ... ونحن صار لينا 9 اشهر مع بعض و كل هذا الحب انبنا بتسع اشهر ... بس للأسف اليوم راح نفترق الكل راح يرجع لمنطقته لان الكل خلص امتحاناته ما عدا 3 بنات و انا منهم ( بصييييح للمسؤوله علشان انظل نحن ال 13 مع بعض بس للأسف ما وافقت .. بالعاده كنا انروح للمدام علشان انقول ليها نحن نبي نرجع للبيت علشان اشتقنا للاهل بس هذي المره العكس الكل ما يبون ينزلون لان الاجازه راح اتكون 3 اشهر يعني 3 اشهر ما راح انشوف بعض ... و الله ما اعرف شو اسوي بدونهم و الملل راح يقطع فينا ... علشان نحن راح نفترق اليوم ( الاربعاء) فقررنا اننا انكون مع بعض و حتى من الحزن و الضيق اللي نحسه ما قادرين انذاكر و على فكره نحن علينا امتحان عربي اليوم ... راح يمتحنون و بعد الامتحان على طول راح يرجعون للبيت عن طريق الباص .. احس ابي اصيح لييييييييييييييييييييييييييييين اقول بس... انا اكتب هذا الموضوع و انا يالسه معاهم عند المسجد الموجود في السكن .. اشكالهم بصراحه تجلب الحزن ما احب لحظة الوداع ...
June 03 فلم و امتحانالكل كان عنده امتحان يوم الخميس الا أنا فالكل كان يذاكر يوم الاربعاء الى أنا عاطله باطله قاعده اسوي اهداء لزوجة اخوي علشان يوم ميلادها ...يوم اشعر بالملل كنت اروح ليهم الغرفه و اقعد اسولف معاهم و ألهيهم عن المذاكره (كنت شيطان مذاكره تمسكني من قميصي و تطردني من الغرفه و كأني لاجأه( ما أكسر الخاطر الفلم الهندي في قناة ابوظبي (بطل الفلم شاروخان ) أول ما طلع الفلم الكل رفس و راش الكتاب ولا كأن عليهم امتحان... كل شيئ في سبيل الفلم يهون تقريباًو بعد الفلم الكل رجع للمذاكره (مردهم ليها) هاهاها و انا مردي كان للبطاله و العطاله
May 28 أميادخلو على قائمة ( ادخل و اسمع لسامي يوسف ... بس ان شاء الله يعجبكم Loveless May 27 مواقف طريفه مرت علي في الجامعهأنا طالبه جامعيه و آخذ اربع مساقات ومن بين هذه المساقات (مساق اللغه العربية ) ... كان وقت المساق من الساعة 12 الى الساعه 1 من بداية هذا الكورس و انا كله اغيب اختربت و اتعودة على الغياب عكس الكورس الاول.... ومن نظام الجامعه اللي انا فيهااذا ما حضرة خمس كلاسات يعني حرمان و انا ما قصرت مثل ماقلت ليكم من بداية الكورس وانا اغيب لين ما وصلت 4 غيابات و اتندمت و بعد الغياب الرابع و انا احماره و مريضه لازم أروح الكلاس علشان ما أحرمن و الحرمان يعني مثل الرسوب في المساق ... و بعد الانذار الثاني اللي خذيته وأنا شاده حيلي وأروح الكلاس حتى لو كنت سهرانه أو نايمة ساعة وحده بس ... و بعد كل هذا و في آخر يوم من المحاضره ... كان يوم الثلاثاء و في هذا اليوم انا كنت نشيطه و قايمه الساعه تسعه و المحاضره الساعه 12 فقررت اقعد على النت لين الساعه 11:50 ... بس الله ياخذه (شيطان نت) نساني نفسي بالسوالف مع الربع و القعده على النت و فجأه انتبهت للساعه و اتخيلو كم كانت الساعه . كانت الساعه 12:15 و التأخير اكثر عن خمس دقايق حرمان و آآآآآآآآآآآآآآآآآآآآآآآآآآآآآآآآآآآآآآآآآآآآآآآآه من الحرمان أول ماشفت الساعه صرخت صرخه ( بحححححححححححححححرمن) و رحت اركض إلى الغرفة و الكل كان قاعد يضحك على و حتى ما كانو يقدرون يقفون على اقدامهم من الضحك و انا اركض و العباية صوب و الشيله صوب و الشعر طالع استغفر الله و على فكره ربعي ساعدوني في لبس العبايه و الشيله و انا في ذاك اليوم كنت خلاص منتهيه و خيفانه و في نفس الوقت كنت اضحك على نفسي و الله اني كنت مهرج و غبيه بعد هاهاهاها و المهم رحت للكلاس و انا كنت الهث من التعب و اتخيلو شوصار دخلت الكلاس و محد كان داخل يعني الاستاذ خذا الغياب و حرمني اهني و اهناك لين ما اقتنع و رأف بحالي و سحب الغياب و الله طلع طيب و انا اقول عنه سخيف لانه كان ينكت بس كلامه ما يضحكني للاسف .. المهم كل هذا صار في 10دقايق يوم رجعت لقيت ربعي بعدهم قاعدين يضحكون علي و وجهي اتقطع من التعليقات اللي يقطوها على الله لايرويكم مثل هذا اليوم ... و بعد ما انكر انه كان موقف اضحك ... جربووه ما راح تندمون ... و اتمنى ان ينال اعجابكم loveless لا تنسو اتعلقون على الموضوع May 26 راح احاولكل ما أفتح صفحتي اقعد اشوفها و ما اعرف شو اسوي من الاحيره و الملل اروح افتح صفحات غيري و اقرأ مقالات حلوة أشياء طريفه صراحه شي حلو الواحد يكتب يومياته و أنا يومياتي كلها ملل في ملل اتخلي الواحد يتعقد مثلي
May 24 العم ايمنهلا و الله يا العم أيمن و اخيراً اتشرفتي و زرتي صفحتي ليش الزوبعه اللي موسويتنها كل هذا علشان ادورين على موقع حلو ...... ما طلبتي الصفحه اللي انتي فيها احلى موقع و احلى صفحه بالنسبة لج سمعت انج قاعده تلعبين ( جمل و يلعب ) و الله تطور هاهاهاها (لا بعد يزعل اذا خسر ..... لوووووووووووووووووووووووووووووووول( اتغشمر لا تعصبي اقولي لسعدانة و اسد الجناح اتروح و اتمشط شعرها أوكي .... عندنا أضيوف في الصاله قولي لنوالي اتخبي اصابعها عن الفضايح هاهاهاهاهاهاي مع تحياتي , loveless صدى الذكريات May 23 اهداء الى بنات الجناح عصعص شو رايكم نتذكر بعض الاشياء اللي سويناها مع بعض في هذي السنه يلا نتذكر يلا يلا الحفلات الضحك الرحلات السهر الجنون بعد منتصف الليل الهديه احبكم غصبن عنكم |
|||||||||||||||||||||||||||||||||
... شو اخبار الدراسه معاكم
.
لعبه اسماها الاستغمايه أو الظميمه
:- انا اريد ان ابدأ .. انا اريد ان ابدأ 
و بدأ العد
مكانا لنفسها فوق 
القمر 
نفسها في كومة الزباله..
و اختبأ بين الغيوم 
الى باطن الارض
قال بصوت عال:- سأخفي نفسي تحت الحجاره ثم توجه لقعر البحر
الحب 
... الامتياز مب من مستواي أنا مستواي ارقى من هيك
؟؟هاهاهاهاها
منه كيف نجحت في كلاس الكالكولاس .. انا كنت متوقعه اني اييب تحت الستين يعني (ايف) بس اتوقعوا كم حصلت ... حصلت (سي) صحيح انها درجه مش بطاله ..بس والله انها نعمه بالنسبه لي
...خخخخخخخخخخخخخخخخخ 
رحت الحمام اغسل وجهي... شافتني اختي ادخل الحمام و قالت لي نجحتي نجحتي
قلت خلني اكمل الحلم احسن لي قبل لا يتحول لكابوس.... واخيرا طلع حقيقه مب حلم... و الحدلله على هذي الدرجه
.. ادخل الى الصفحه الان
كلا ترقدون كلا ترقدون 
هذي ما نومه يومين انادي
و محد يرد على يلا قوموا بليس قوموا الجناح ممل 
و بعد من يوم ما رحتوا هجرنا الغرف ما صرنا ندخلها 
ما فيكم ادب
... واخيرا اجتمعنا كلنا على الفلم لين الساعه 2:00 
) .. راح تسمعون احلى اغنيه عن الام 
يلا بسرعه شو ناطرين يلا ادخلوا و اسمعوا 
و
و اللي لاحظته اكثر الصفحات مكتوب فيها يوميات الكاتب
ماما 
بنت العم 
نور الدنيا
الحب عذاب 
؟؟؟؟؟؟؟؟
الافلام و المسلسلات النوم الجماعي السباحه في النافورات روحات المطعم المدامات التنزه في الكليه النعل الرسم النقاشات في الحمامات شةق الاهل التمات الجلسات الخارجه و بعد وبعد وبعد واااايد|
|
